بسمـ اللهـ الرحمن الرحيمـ
--------------------------------------------------------------------------------
اليوم عاااد يبت لكن سوااالف البناات في الطاابور
البداية مع التفتيش
ليش مريولج موديله جنه فستان عرس ؟ أبله هذا ستايلي ..
ليش حاطة عدسات خـضـرا ؟ أبلة عيوني هذي .. امي ايـرانيـة .
ليش كل هذا الكحل ؟ أبلة عيوني كحلية طبيعيا .. . :
ليش المناكير ؟ أبلة هذي حنة سوداني مو مناكير . :
ليش ما ترددين تحية العلم ؟ أبلة انااا صوتي وااطي.>> ههههه ومن الجهة الثانية صوتي ويا سوالفي واصل لآخر المدرسة ..
ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة "حاشا القرآن "
ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!
طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .ههههههههه ههههه
وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.
نمر للبنات اللي مبققات عيونهم على الأبلوات ..
وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام
وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي...
وين أبله الحجم العائلي ؟ اوف بعد مب غايبه .. لا وتشوف علي بعد شافها ملك الموت " عزرائيل " اليوم قولو آمين
شوفوا معلمة عطيات تنورتها تحفة .. خيالية.. آخر موضة .....من وين اشترتها ؟
عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .
والحين قبل لا نخلص نشوف سوالف الدلوعات :
أمس رحت عرس ييراننا لبست فستاني اليديد الكشخة التركواز والاكسسوار ات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .<<<معقول ه
تدرين مع من سولفت أمس بالشات ؟مع لبناني وحاط صورته يمة يذوب ... شعر اشقر و عيون خضرا .
و نخلص بالبنات اللي اختصاصهم الحش :
شفت فلانة امس فاتحة شعرها جنه خرطوم حريجه.
ولا علانة اللي كانت عايشة في ماليزيا اليوم ياية بقميص صوف (اشو اذكرج هالكلمه يا القــمـــر ؟؟؟؟) والحراره 40 درجة غبية وحدة .<< مايسوى على البنت
ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .
و في النهاية تجي معلمة و تقول ماشي قلم : وين انتوا في سوق سمج ؟ وحنا نقوم نضحك كالعادة ...
تحياتي..
