كيف تقهرين اخوك ... للبنات فقط
عندي دروس خطيره لا تفوتكم يا بنات .. شوفو اللي مقهوره, واللي تبي تنتقم ,
واللي تبي ترفع ضغط اخوها تتبع هالخطوات والله يقويكم...........
*** عند التلفزيون ***
لا صارت فيه مباره ولاخ متحمس اقطعي هالحماس وشلون؟!
انا اقولكم ..
شوفي اذا صار مبقق عواينه وماهو يم احد يعني لو تجيبين صاروخ تفجرينه قدامه
مالتفت لك اعرفي انه منسجم ,
هنا بس تقومين بشغلك.. وتسوين نفسك بنت سنعه
وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه
ولا تعطينه فرصه يشوف زين ,
اذا قال: ابعدي. قولي ماني فاضيتلك بنظف وامسح ، وبعدين روحي جيبي المكنسه
واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه..
ولا يهمك احد..
واذا قال: ابعدي لااصفعك على وجهك بالكاس قولي معصي بيجون ضيوف . .
العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق
ناقزي لين توصلين للفيش وامصعيه برجولك ولا تلتفتين وراكِ..
*** عند النوم ***
لا صار التمساح يشاخر نكدي عليه نومه وشلون؟! دخلي عليه أطفالكم واطفال جيرانكم
وصكي الباب عليهم وخليهم يلعبون بغرفته ويناقزون على راسه .. تدري اطفالنا احباب الله ههههههه
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس
وبكل برود قوليله نبي نطلع ..
*** اذا المزاج صفر ***
اذا شفتيه ماله خلق ومو رايق ومقفله معه لا تخافين بالع* هذي فرصتك تنتقمين منه
يعني تحرشي فيه خلي دمك ثقيييييييييل بالمزح
بس انتبهي في هاللحظه راقبي حركات يده لان ممكن يصك أي شيء قدامه بوجهك
ولازم تصيرين مجهزه مفتاح الغرفه ماتدرين السالفه يا غالب يا مغلوب هههههههههههههه
المهم.. اضحكي على شكله والا على جلسته والا على لبسه .. هو بيقول ترى ماني رايق اذلفي عني ,
انتي لا تسكتين قوليله واذا ماذلفت وجهي وش بيصير
عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك
وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
عادي .. عادي ولا صرتي جاهله وش فيها اهم شيء تحقيق الغايه اللي هي
(( تفجير الامبير )) واهم شي بعد الاخلاق لاهنتي سحليتي ههههههههه
*** وقت الهواش ***
اذا جاء يوم وبراسك تتحرشي وتبين تتهاوشي انتي والتمساح لازم تجهزي نفسك من كل ناحيه:
1/ الكشه لازم تلمينها وتسوين حفله براسك ذاك اليوم تحطين انواع الشباصات
وانتبهي ولا خصله تنزل منك,
وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير
2/ أخذي مفتاح الغرفه وخليه عندك <====== الاحتياط واجب
اذا بدت المعركه حطي راسك براسه ولا تبينين له انج خايفه وبققي عوينك فيه وقوليله
وش براسك عاد هو هنا بيقولك هذا اللي براسي طراااااااااااخ الا والا بصفعه على وجهك
لا تستسلمين عطيه بوكككككك* على عيونه الثنتين علشان مايشوف الدرب وحطي
رجلك .
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر
بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في عز الظهرطبقين هالتعليمات وهذا وجهي ان تحداك اي احد على وجه الارض ومالي دخل
واتمنى انو مافيه انتفاخات والا طلع بعيونك الوان الطيف والا ماسلم فيك ضلع هههههههههههههههههههه[/b]
